Lekker Slaap Wille Welpie
Lekker Slaap Wille Welpie is ‘n lieflike slapenstyd verhaal waarin kinders leer oor baba diertjies en waar hulle in die aand slaap.
Titel: Lekker Slaap Wille Welpie
Outeur: Benoît Knox
Gepubliseer deur BK Publishing: 2022
Genre: Kinder prentjieboek
Ouderdomme: 1+
Formaat: Hardeband Bordboek; 175 x 225mm
Bladsye: 35
Lekker Slaap Wille Welpie is ‘n lieflike slapenstyd verhaal waarin kinders leer oor baba diertjies en waar hulle in die aand slaap. Die boek is só ontwerp om ‘n kindjie na ‘n lang dag rustig te maak en hulle saggies aan die slaap te sus. Indien die kindjie aan die einde van die boek steeds nie aan die slaap geraak het nie, sal hulle jubel wanneer hulle sien dat daar ‘n baba diertjie is wat ook in die nag wakker bly terwyl die ander diertjies slaap.
Die vyftien pragtige illustrasies van baba diertjies in Afrika, gekombineer met oulike rympies, maak hierdie ‘n onvergeetlike boek wat perfek sal werk as ‘n geskenk.
Oor die Outeur/ Illustreerder
Benoît Knox is ‘n uitgewer, sowel as die stigter van Supernova, die Suid-Afrikaanse tydskrif vir nuuskierige kinders. Sy illustrasies in Supernova en talle ander boeke verheug kinders regoor die wêreld. Hy het die rympies in Lekker Slaap Wille Welpie oor verskeie aande vir sy kleuter geskryf sodat sy makliker aan die slaap kan raak.
ALSO AVAILABLE IN ENGLISH: SLEEP TIGHT BUSH BABY